Chapter 21

Nang makaharap nito ang babae ay agad hinawakan sa magkabilang balikat at saka masinop na hinagod ng tingin ang kabuuang mukha nito, "My God, ikaw nga!"

Mamata-mata si Erica. Wala siyang ideya kung sino ang babae. Nasumpungan na lamang niyang inihaharap na pala sa kanya ng lalaki ang babae.

"S-Siya ang pinag-uusapan natin kani-kanina," anang lalaki kay Erica.

"Really?" Aniyang di basta makapaniwala. "Kumusta ka na?" Dagling tanong ng lalaki sa babae.

"I'm fine... one week pa lang akong nakababalik dito sa Pilipinas. Ikaw agad ang hinanap ko, pero walang makapagsabi kung nasaan ka," paliwanag ng babae.

"Nandito ako... nagbabakasakali malimot ka, pero hanggang ngayon ay bigo ako," madamdaming saad ng lalaki.

"Dalaga pa rin ako Kai. Dalaga mula ulo hanggang paa," saad ng babae.

"D-Dahil ba ako pa rin ang nasa puso mo?" Tanong ng lalaki.

Tumango-tango ang naiiyak na babae.

Iyon lang at niyapos na ito ng yakap ng lalaki. Talagang sabay pa ang mga ito.

Pakiwari naman ni Erica ay isang live