CHAPTER 9-THE FATHER

“SINO ANG AMA?” Umecho sa buong kwarto ang boses ni Ben na nasa hamba ng pinto. Base sa itsura nito ay handa itong makipag-patayan sa kung sinumang umagrabyado sa kanya.

“Benjamin, anak. Huminahon ka,” saad ng kanyang Tita Alice saka nito nilapitan ang anak. Pero hindi ito pinansin ni Ben, sa halip ay dumiretso ito sa kanya.

“Sabihin mo sa akin, Yesha. Sino ang walang-hiyang gumawa niyan sa’yo?” saad nito sa kanya sa mataas pa ring tono. Hindi niya magawang sumagot sa pinsan dahil unang-una ay hindi niya naman talaga kilala kung sino ang kasama niya ng gabing iyon. Pangalawa ay natatakot siya sa nakikitang galit sa mukha ng pinsan. Napayuko na lang siyang bigla dahil hindi niya kayang salubungin ang galit sa mga mata nito.

“Damm*t, Yesha! Answer me! Kailangang managot ang gumawa ng katarantaduhan sa’yo na yan!” asik sa kanya ng pinsan. Napa-suntok ito sa pader sa sobrang galit. Nang dahil sa ginawa nito ay napa-pisik si Yesha at napa-siksik lalo sa uluhan ng kanyang kama.

“Ben!” n