CHAPTER 13-WEIRD DREAM

Pagkarating nila ng Manila ay agad na silang dumiretso sa apartment na kanilang tutuluyan. Pagkapasok ng sasakyan nila sa gate ay agad silang sinalubong ng isang matandang lalake.

“Mabuti at nakarating kayo ng matiwasay, Sir Ben,” bungad saad sa kanila ng matandang lalaki pagkababang-pagkababa pa lang nila ng sasakyan. “Inihabilin na po kayo sa akin ni Sir Alex, heto po ang susi ng apartment niya,” dagdag saad ng matandang lalake, sabay abot ng susing hawak nito kay Ben.

“Maraming salamat po, Tay,” nakangiting sagot naman ng pinsan niya sa matanda. “Siya nga po pala ang pinsan ko, si Yesha,” pagpapakilala sa kanya ni Ben sa matandang lalake. “Princess, si Tatay Ando, ang katiwala nila Alex dito sa apartment,” baling saad naman sa kanya ng pinsan.

“Magandang araw po,” nakangiting saad niya sa matanda.

“Magandang araw naman iha, naku napakagandang bata mo naman. Ang kaibigan ni Sir Alex ay parang mga anak ko na rin, kaya huwag kang mahiyang magsabi sa akin kung may kailangan ka,” nak