NAGPUPUYOS ang kalooban ni Cassey, gigil na tinapunan ng masamang tingin ang larawan nina Khevin at Agatha na kumakalat sa newsfeed. Tila lovely couple na magkasamang nakasakay sa kabayo. Lalong uminit ang ulo niya nang mkita ang sumunod na mga larawan, magkayakap habang nasa tubig. "I hate her!" "Cassey, pinsan mo siya-" naiiling na paalala ni Ayezha, ang personal assistant at bestfriend ni Cassandra. Kaisa-isang nagtitiis sa masamang ugali ng modelo. "Wala akong pakialam! Bumalik siya sa pinanggalingan niyang impyerno!" "Mukhang gusto siya ni Khevin, baka sumama pa 'yun sa impyernong sinasabi mo." Pananakot ni Ayezha. Natigilan naman ang dalaga saka nanlisik ang mga mata. "Kilala mo ako, Ayezha. Kaya kong burahin lahat ng kumukuha ng mga bagay na pag-aari ko." may diing turan ni Cassey. Napahalakhak si Ayezha. Kumunot ang noo ni Cassey. "Wala kang pag-aari, girl. Matagal na kayong hiwalay ni Khevin, negosyo at 'yang attitude mo na lang ang nag-uugnay sainyong dalawa ni Khevi

BUMABA na ng sasakyan si Khevin, nakamasid pa rin kina Agatha at Tristan na makahulugang nagpapalitan ng tingin. May kakaiba sa ikinikilos ng dalawa? Kung tama ang hula niya, may relasyon ang dalawa. "Sir Khev!" Tawag ni Mang Emil. "Yes, Mang Emil?" "Sigurado ho ba kayo na hindi siya si Agatha?" Nagdududang tanong nito na kina Agatha pa rin nakatingin. Natigilan si Khevin. "a-anong ibig n'yong sabihin?" "Sa palagay ko, mas higit n'yong kilala si Agatha kaysa sa'kin." Wika ni Mang Emil, tila pinag-isip lang nito si Khevin. "Magkahawig lang sila, pero hindi sila iisang tao. Nagkakamali kayo." Pagdaka'y sagot ng binata. Ngunit bakit tila may kabang bumundol sa dibdib niya? Mula sa kinatatayuan ay tanaw niya ang nakalitaw nitong balikat. Ang nunal ni Agatha at Miss Mondragon ay parehong nasa iisang bahagi. Posible kayang nagkataon lang? "Alam mo bang nahahalata ka na ni Khevin?" Pabulong na saad ni Tristan kay Agatha, halos dumikit na ang labi niya sa punong-tainga ng dalaga. Kumun

MAAGAP si Tristan, lumapit na agad nang mapansing tila nagiging marupok na si Agatha. Lahat ay natigilan sa nakitang pagkapagkit ng mga tingin ng dalawang CEO na ngayon ay magbusiness partner na."Kailangan n'yo ng bumalik ng mansyon, Senorita." ani Tristan saka sinalubong ang mapanuring titig ni Khevin. "Sige," iniabot ni Agatha ang kanang-kamay kay Tristan upang alalayan siyang makaahon sa tubig. "Talaga bang kailangan mo ng umalis?" Nakakunot-noong tanong ni Khevin. Marami pa siyang gustong tuklasin sa kaharap. "Hinihintay ka na ni Señorito Kheanne," ani Tristan na nakatingin sa pinsan. "Kheanne?" Nagtatanong ang mga matang saad ni Khevin. Tama nga yata ang hinala niya, haliparot ang heredera sa kabila ng pagiging mayaman at edukada. Gusto niyang mapailing. "N-nobyo mo?" tanong ni Khevin. Napangiti lang si Agatha, makahulugang tingin ang ipinukol kay Tristan na natawa dahil sa narinig. Kung alam lang ni Khevin na si Kheanne ay anak nito. Kapwa sila natawa ni Agatha. "Hindi,"

NANLALAMBOT ang mga tuhod ni Agatha habang humahakbang papalapit sa katawan ng ama na wala ng buhay. Humigpit ang pagkakahawak niya sa braso ni Tristan. "Agatha-" Naglandas ang mga luha sa pisnge ni Agatha. Inihanda na siya ng ama sa pagpanaw nito ngunit tila hindi niya napaghandaan ang damdamin na maaari palang mas masakit pa sa inaasahan niya. "Tristan," sumubsob siya sa balikat ng pinsan. Masuyo siyang inakbayan nito. "Magpakatatag ka." Tumango si Agatha, hindi siya pwede magpakita ng kahinaan. Sa pagkawala ng ama, tila naipasa na rin sa kaniya ng tuluyan ang napakalaking responsibilidad sa mga naiwan nitong pag-aari. Dapat isa siyang matatag na Mondragon. Pinahid ng dalaga ang mga luha saka tinatagan ang loob na nilapitan ang ama na payapa ng nakahimlay. "Salamat sa lahat, Papa. Hindi kita bibiguin." Sa unang araw pa lang ng burol ni Don Sylvestre, ipinagluksa na ng buong Villa ang kamatayan nito. Iniyakan ng lahat at dama ang matinding kalungkutan sa buong hacienda. Nagsuot

SERYOSO, matiim at nanunuot ang mga titig ni Agatha sa paparating na si Cassey. Umiimbay ang balakang nito, modelong-modelo gumalaw. Maganda, sexy at sopistikada. Sinulyapan ni Agatha si Tristan, mas naging alerto ang pinsan maging ang mga kasama nitong bodyguard. Kilalang-kilala nila ang pagkatao ni Cassandra, maliban sa pagiging plastik ang pag-uugali ay traydor ito. Kasama nito ang personal assistant nito na si Ayezha, driver at dalawang personal bodyguard. Damang-dama ni Agatha na ang pakikiramay nito ay tila formality at hindi pakikisimpatiya. "Condolence, cousin." B****o si Cassey. Yumakap din ito at nagpahid ng pekeng luha. "Nakilala din kita sa wakas!" "Salamat," Mas malamig pa sa yelong sagot ng heredera. Napasulyap si Agatha sa kinaroroonan ni Khevin, mataman lang itong nakamasid. Bahagya lang itong sinulyapan ni Cassey saka sumilip sa coffin ni Don Sylvestre. Nagkatinginan sina Tristan at Agatha. Parang gustong hilain ni Agatha ang modelo papalabas ng mansyon dahil sa kap