CHAPTER 107

***

MALAKAS ang ihip ng hangin. Nagtatagpo ang bituin sa langit at bituin sa lupa mula sa mga bahayan at building sa kalakhang Maynila.

Wala masiyadong nagbago sa lugar mula nang una silang nagpunta dito.

Pareho silang nakatanaw sa kawalan, pinapakiramdaman ang bawat isa.

“Parang kailan lang nung una tayong pumunta dito.” Ito ang unang bumasag sa katahimikan.

Hindi naman niya maiwasang matawa nang maalala iyon.

“Ang lamig lamig dito pero kinuha mo ako sa Route ‘77 na ang tanging suot lang ay one piece leather suit at stockings.”

Tuluyan itong natawa ng maalala ang una nilang pagpunta dito sa Cloud 9.

“Naalala ko nanaman yung mukha ni Hershey at Tommy nang kuhain kita sa stage.” Naiiiling pa ito habang humihigop ng kape na kanilang inorder.

“Inatake ata si Mammy Tommy dahil sa ginawa mo.” Natatawa ding tugon niya dito.

Katahimikan ulit ang bumalot sa kanilang dalawa.

“Naaalala ko din kung anong pinagusapan natin ng mga oras na yon.”

“Umiyak ka noon.”

Bigla naman