Chapter 30

CLARISSE’S POV

Nang makarating kami sa resthouse nila Kuya Duke sa Laguna kung saan niya ako dinala ay kaagad kaming nagpahinga para sa gaganaping civil wedding sa aming dalawa. Inaalok ako ng kasal ni Kuya Duke at hindi ako makapaniwala doon! Dahil sa hanggang ngayon ay mahal ko pa rin siya at walang nagbago sa nararamdaman ko para sa kanya ay pumayag na akong pakasalan siya.

Mas mabuting maikasal ako sa lalakeng mahal ko kaysa ang pakasalan ang rapist at baliw na Morris na iyon.

Alas-dose ng tanghali ay inaayusan na ako nina Ate Camille at Ate Haya para sa gaganaping kasal sa amin ni Kuya Duke. Pinatawag sila mismo ni Kuya Duke kasama ang kanilang mga asawang sina Kuya TJ at Kuya Kendrick para maging saksi sa mabilising kasal na ito.

“Ang ganda-ganda mo naman at ang kinis pa. Ilang taon ka na ba, Clarisse?” tanong ni Ate Haya habang kinukulot ang dulo ng brownish kong buhok.

Siya iyong babaeng nakita ko noon sa school na nakasandal sa dibdib ni Kuya Duke. Inexplain niya iyong n