Chapter 58

NINOY INTERNATIONAL AIRPORT- TERMINAL ONE kakalapag lamang ng eroplanong sinasakyan nila Greyson at Allison mula roon sa Palawan.

Palinga-linga si Allison sa paligid, habang hinihintay ang maleta niyang naka-check in sa eroplano. Mayamaya ay kinalabit niya si Greyson.

Nginitian niya ang binata. “Punta lang akong toilet,” naglalambing pang sabi niya.

“Sige, dito lang ako habang naghihintay ng maleta. Dito na rin kita hihintayin,” nakangiti rin sagot ng binata, bahagya pa siyang hinawakan sa beywang.

Tinanggal niya ang kamay ni Greyson sa beywang niya. “Aalis na ako,” aniya saka hinakbang na ang kanyang mga paa.

Nang nasa di kalayuan na si Allison ay huminto siya sa paglalakad. Muli niyang tiningnan si Greyson doon sa baggage claim area. Nang nakakatiyak siyang hindi ito nakatingin sa kinaroroonan niya ay mabilis niyang tinahak ang daan palabas ng airport at tumalilis ng alis.

Nasa labas ng airport si Allison ay agad siyang pumara ng taxi at sumakay. Nagpahatid siya sa driver ng