Chapter 12

Sabado ng hapon nang magsabi si Papa na uuwi. Nasabik ako nang tumawag siya kaya naman naisipan namin ni Lola na magluto ng masarap na hapunan. 

"Apo, nagkakaroon ka pa ba ng panaginip?" tanong ni Lola

Naghahanda kami ng rekados para sa aming lulutuin. Napansin siguro ni Lola na mas naging abala ako sa school at sa aking mga bagong kaibigan kaya naman hindi na kami nakakapag-usap tungkol sa mga panaginip ko.

"Meron pa din naman po Lola, pero hindi na madalas."

Ngayon ay magluluto kami ng adobo at kaldereta. Hindi ako kumakain ng mga meat, tanging manok lang ang pasok sa panlasa ko kaya naman dalawang putahe ang lulutuin ni Lola.

Hinihiwa ko ang sibuyas nang magsalita ulit si Lola.

"Eh..yung sa panaginip mo tungkol sa aksidente?"

Natigilan ako ng ilang sandali. Oo nga. Nakalimutan ko na ang tungkol doon. Hindi na rin naman ulit dumala