Chapter 35

35

Katlyn's POV

DALAWANG araw mula ng may mangyari sa amin ni Lance ay kasabay no'n ang pag-iba ng mood ko. Mainit ang ulo ko sa mga maliliit na maling bagay. Ayaw ko na rin sa adobong manok, napaka baho ng amoy at naduduwal ako kaya hindi ko na muling hinanap pa, ang laging hinahanap ko ay yung Abokado at mayro'n Mangga na may Honey, kaya maaga palang ay pumunta si Manang Fell sa bayan upang bilhin ang gusto ko, kahit siya ay naninibaguhan sa akin. Tatlong araw narin akong naduduwal sa umaga at palaging tulog, ayaw ko rin sa mainit na lugar dahil feeling ko ay sinusunog ako.

"Ito na hija, aba'y hindi ba sumasakit ang tiyan mo kapag kinakain mo 'yan?" nagtatakang tanong ni manang at nilagay sa lamesa ko ang abokado nama'y manggang hilaw na may honey.

Umiling ako at kinain ito. "Hindi naman po manang, ang bango at ang sarap nga e, gusto n'yo?" tanong ko at tinaas ang kutsarang may laman.

Agad siyang umiling na para bang nakakadiri dito. "O-Okay