Kabanata 8

Pinalis ni Celeste ang mga luha sa mga mata niya at tiningnan ang kaniyang ama na hindi magawang makatingin sa kaniya.

“Hindi ko alam kung anong sinabing dahilan ni Hannah para payagan niyo siya sa gusto niya. Sana inisip niyo kung anong mararamdaman ko. Kung sabagay, kahit ano namang gawin ko, kahit anong sabihin ko sa inyo pinayagan niyo na si Hannah sa gusto niya. Gusto ko lang bigyan niyo ako ng maganda at katanggap-tanggap na dahilan kung bakit ginaya ni Hannah ang mukha ko. What is her valid reason dad?” hindi pa rin makaimik si Logan sa anak niya dahil maging siya hindi niya alam ang dahilan ni Hannah kung bakit kinailangan niyang gayahin ang mukha ni Celeste.

Gustong sabihin ni Logan na hindi siya sumang-ayon sa gusto ni Hannah pero wala na siyang nagawa ng malaman niyang nakapagparetoke na siya. Iniwas niya ang paningin niya sa anak niya. Pitong taon niya itong hindi nakita at nakasama tapos mag-aaway pa sila sa muli nilang pagkikita.

“Hindi ko alam na nagbalik ka na pala at