Chapter 20

"Senyora, si senyorito Dave po, naririto rin." wika ni Jocelyn sa ginang na tahimik na nagdarasal sa harap ng puntod ng namayapang manugang.

Nakita ni Jocelyn si Dave na nakatayo sa di kalayuan na nakatingin lamang sa kanilang tatlo ng mapabaling ng tingin sa ibang direksyon ang katulong nila.

Bumaling naman ng tingin si Mrs. Alarcon sa kanyang likod upang alamin kung totoo ba ang sinasabi ng kanyang kasambahay.

Ganun din ang ginawa ni Dianna ng marinig niya ang sinabi ni Jocelyn na nagpabilis ng pintig ng kanyang puso na pakiwari niya ay bigla siyang kinabahan. Lalo na ng magsalubong ang paningin nila ni Dave dahil sa kanya ito talaga nakatitig. Hindi niya mawari kung galit ba ito dahil wala siyang mabasang ekspresyon sa mukha ng lalaki.

Nag iwas din naman agad siya ng tingin kay Dave dahil hindi niya kaya ang makipagtitigan sa mata nito. Hinarap niya ang ina ng lalaking nagpapabilis ng tibok ng kanyang puso ngayon at humawak siya sa braso ni Jocelyn.

"Tita, mauna na po kami ni Joce