TMLO 07: The Symbol

KABANATA 07: THE SYMBOL (Ang Simbolo)

Dahan-dahang iminulat ni Julliana ang kaniyang mga mata. Puting kisame ang sumalubong sa kaniya at tila amoy gamot sa paligid. Ipinalibot niya ang kaniyang paningin hanggang sa makumpirmadong nasa hospital siya.

"M-Mommy... are you awake?" mahinhin at masarap sa pandinig ang boses na iyon mula sa kaniyang anak.

Napangiti siya, ngunit kaagad na naalala ang huling nangyari bago siya mawalan ng malay. Mabilis pa sa alas-kwatrong niyakap niya ang kaniyang anak. At tumingin sa paligid sa isiping naroon si David.

"Mommy, wala dito si Daddy. Lola said they will talk to her. They told me, na lasing daw si Daddy kaya ka niya sinaktan."

"I-Ikaw, sinaktan ka ba niya?" nag-aalalang tanong niya.

Umiling si Misha, "Hindi po, mabuti na lang po at dumating sila Lola para tulungan ka nila Mommy."

Unti-unti ng tumulo ang mga luha sa mata ni Julliana. Ngayon ay alam na ng mga magulang ni David ang sitwasyon niya sa poder ng anak nito. Siguradong lalong titindi ang g