CHAPTER 6

“Going once, going twice…SOLD!” Nagpalakpakan ang mga taong naka-suot ng maskara. Maskarang nagtatago sa kanilang pagkakakilanlan. Tinatago ang kanilang “tanyag” na itsura pero nilalahad ang mga madidilim na hilig at kagagawan.

Habang nagpapalakpakan ang mga ito, sa stage na kanilang pinapanood ay may mga lumabas na mga maskuladong lalaki at hinila ang lalaking naka-kadena at nakabusal ang bibig.

“Pakidala na po ang premyo sa kaniyang may-ari!” Masayang pahayag ng host na tulad ng iba ay naka-maskara rin.

Pagkatapos, tuluyang hinila pababa ang lalaki, nagpupumiglas ito at sumigaw sa kaniyang busal pero wala ni isang na-awa sa kaniya o nakinig sa kaniyang pagmamaka-awa, imbis ang mga taong nakapaligid ay natutuwa sa nangyayari. Sa paningin nila ay laruan lamang siyang na-ibenta.

Hinila siya nang hinila sa puntong makaladkad at madapa. Tumigil lamang ang mga ito nang kaharap na nila ang isang matandang babae na may kasamang iba’t-ibang uri ng lalaki na naka-kadena rin pero hindi na