Chapter 12: THE STORYTELLER KNOWS

Dumating ang araw ng kompetisyon na ginanap sa auditorium sa loob ng Francisco Hall, katabi lang ng school library. Maliit lang ito at sapat lang sa mga kalahok ng contest.

Kabadong – kabado si Matthias ngunit tinapik siya ng kanyang kuya na si Teo.

“Kaya mo ‘yan!” Nag-apir pa ang dalawa. Hinawakan ni Matthias ang balikat ng kuya at napabuga ng hangin. Nasa taas sila ng stage, sa likod ng makapal na telon. “Inhale, exhale,” utos ng kapatid kay Matthias.

“Kaya mo, Matthias! Kaya mo, ‘yan!”

Sumilip si Teo at nakitang marami na ring makikinuod lalo na ang mga kaklase nila sa Grade4- Rizal. Nakita rin niya si Thea habang kausap ang isang lalaki. Napangiti siya at hindi sinabi sa kapatid kung sino ang kanyang nakita. Kilala niya ang lalaki kahit nakatalikod ito.

“Help me, Lord.” Naibulalas na lang ni Matthias.

“Bababa na ako. Manunuod kami ni Thea sa i