Kabanata 16

“Sayang di tayo pareho ng shift. Day shift ako, e.” May lambing sa boses ni Roda.

“Ah, ganoon ba?” Nagkakamot sa ulo ang lalaki.

“Ganoon talaga mga pangit, Roda. Day shift!” Tumawa si Evangeline. “Maguumpisa ka na ba, Miguel?”

Nanggagalaiti si Roda sa pagsingit ni Evangeline. Inangatan ito ng kilay ni Evangeline. Kaya't padabog na kinuha ni Roda ang bag bago nagmartsa palayo.

“Oo, sabihin niyo lang kung may ipapabuhat na kayo. Ako nakatukang mag-arrange ngayon sa stock room, e.”

Muntik na siyang mapatalon sa gulat nang bumaling sa kaniya ang mata ni Miguel. Agad siyang nagpatuloy sa pagtutulak ng trolley. Papasok na siya sa isa sa lilinisan niyang silid. Bakit pa nga ba siya tumigil?

Tapos na siyang mag-pull out ng mga maruruming gamit mula sa room. Sinikop niya lahat ng marurumi na dadalhin niya sa laundry house. Akmang kukunin niya ang mga maruruming tela pero may kamay na kumuha niyon sa sahig. At ang mukha ni Miguel ang agad bumungad sa kaniya.

“Ako na. Bababa ako ngayon.”

Napalu