Kabanata 15

“Paano ba napipigilan ang pagbubuntis?”

Naeskandalo si Evangeline sa narinig. Kung bakit kasi out of nowhere biglang magbabanggit siya ng ganoon?

“Bakit mo natanong aber?”

Sinusumpa niya sa sarili niya kagabi na hinding-hindi niya bibigyan ng anak ang Treous Elagrue na iyon. Hindi malalaman ng lalaki ang balak niya. At gagawin niya ang lahat ng paraan para hindi ito mapagbigyan.

Napasinghap si Vange. “Huwag mong sabihing nagkita na ulit kayo ng ama ni Daniel. Tapos nagkabalikan kayo kaya nagtatanong ka ng ganiyan, 'no?”

Namilog ang mga mata niya sa narinig mula sa kaibigan. “Ano? Hindi, 'no!”

“E bakit ka nagtatanong ng ganiyan?”

“W-Wala naman. Masama bang magtanong?” Napanguso siya at nag-iwas ng tingin. “Tsaka baka kailangan ko rin balang-araw.”

May kinuha ito sa bag sa locker nito tsaka inabot sa kaniya. Napakunot ang noo niya habang tinititigan ang bagay sa kamay.

“Pills. Iyan ang gamit ko ngayon. Hiyang ako diyan. Lumaki dyoga ko at pwet dahil diyan.”

Uminit ang pisngi niya sa si