Chapter 9 Sayruz Future In Laws

Chapter 9 Sayruz Future In-Laws

(Angie POV)

Inilabas niya ako sa bus, naghihintay kaagad ang sasakyan sa amin. Agad niya akong ipinasok ng maingat sa loob ng sasakyan. Ini-upo niya ako, at muling inayos ang kumot na nakabalot sa akin. Narinig kong muli siyang napabuntong hininga. 

"Ang akin lang Miss Angie, bakit nagawa mo pang makipaglaro ng habulan sa akin? Tignan mo, ang lalim ng tulog mo ngayon." Saka niya sinarhan ang pinto ng sasakyan at sa kabilang pinto nga dumaan. Naramdaman ko na lang na may naupo di kalayuan sa akin. 

Walang umimik habang tumatakbo nga ang sasakyan, kaya medyo napapasilip ako sa talukap ng aking mga mata. Nakita ko si Sayruz na isinandal ang kanyang likuran sa upuan, at pikit matang hinihilot ang sintido niya. 

Para ngang pinahirapan ko siya ng husto. Ngunit kung di ko ito ginawa, sa tingin ko, wala na ang dindala ko sa oras na ito. At nangyari ito para nga magkaroon siya