CHAPTER 15

NAPABALIKWAS ng bangon si Sam nang tumama ang sinag ng araw sa kaniyang mukha. Agad niyang tinignan ang orasan na nasa bedside table niya. Dito siya sa kaniyang silid nakatulog at si Toneth ang kasamang natulog ni Graciella sa silid ng huli.

"Alas nueve na ng umaga." Nasapo ni Sam ang ulo dahil ang balak pa naman niya ay magising ng maaga dahil papasok siya sa opisina ngayon. Kaso ay tinanghali siya, dahil na rin siguro sa pagod sa maghapong gala kahapon kasama si Drake at Gracie.

Napapabuntong hininga siyang habang pababa sa kama at nagtungo sa banyo upang mag ayos ng sarili bago mag-almusal sa baba. Hindi na muna niya ginising ang anak upang kumain, dahil alam niyang pagod ito.

"M-may naghahanap sa'yo," salubong ni Doña Thesa sa kaniya bago pa siya makababa sa living room. Madadaanan muna kasi ang living room bago makapunta sa kusina.

"Sino po?" Biglang kabang tanong niya sa matanda. Kinabahan siya sa mukha nito na tila nakakita ng mu