Chapter 10

Pagkatapos ng klase niya ng araw na ito ay wala sa mood na lumabas siya ng campus. Simula kaninang umaga ay pinagtaguan niya si Diego. Ayaw niyang mag-usap silang dalawa. Wala siyang isasagot kung tatanungin siya nito kung kanino niya nakuha ang mga hickeys niya.

Kaya naman nawala sa isip niya na baka nasa labas ng unibersidad si Argos at naghihintay sa kanya. Kaya nang makita niya ang magarang kotse na naka-park sa gilid ay napasimangot siya. Kahit na hindi ito iyong sikat na limited edition na sasakyan ay hindi pa rin maikakaila na isa iyong mamahaling sasakyan.

Akmang tatalikod siya para sana pagtaguan ang lalaki pero bumukas ang ointo sa backseat. Namutla siya at napaatras nang bumaba roon si Eros. Katulad ng suot nito kahapon ay naka-business suit pa rin ito pero hindi na itim kundi charcoal grey. Hindi maikakaila kung gaano kamahal ang mga damit na suot nito. Sinuklay nito patalikod ang bangs nito at nakalantad ang noo ng binata.

He's really handsome. Nakakaakit din ang matangos