Kabanata 55

Kabanata 55

PINUPOG ni Odette ng halik si Ammiry nang dumating siya sa bahay. Tawa naman ito nang tawa at masayang-masaya. Tinitingnan na naman nito ang album ng lolo at lola, na kagabi pa nito walang sawang iniisa-isa. Tapos, tinitingnan nito ang mga litrato ni Helios noong bata pa.

“Mama, look po. Ako po ito,” turo ni Ammiry sa litrato ni Donya Selena.

She smiled and nodded, “Yes, anak. Kamukhang-kamukha mo ang lola mo. Parehas kayong sobrang ganda.”

“Pero sino po ang Papa ko?” Bigla nitong tanong sa kanya kaya medyo napatanga siya nang kaunti.

“Si…Helios talaga ang Papa mo, anak.”

“Si Papa po tagala? Siya po si bad guy?”

“H-Hindi,” tanggi niya kahit di niya alam kung paano talaga iyon sasagutin.

“Sinong nagsabi na bad guy ang Papa mo?”

“Kasi po Iiyak ikaw lagi pag-uusap kayo ni ninang. Bad guy po si Papa.”

Agad niya itong nakayap, “Hindi, anak. Mahal ka ng Papa mo. Hindi siya bad guy. You see, inalagaan ka niya sa ospital?”

“Love mo po si Papa?”

Mas lalo siyang nalito sa isasagot.