CHAPTER 93.

Pagpasok sa loob ng bahay ay nagpaalam si Vince na pupunta sa mini office nito. Siya naman ay nagpaiwan muna sa sala at niligpit ang mga nagkalat na laruan ng mga anak. Dinala niya ang mga ito sa playroom at doon inayos.

Tinawag niya kanina si Vince para ayain na mag dinner. After kumain ay bumalik ito sa opisina at may tinatapos lang daw itong trabaho.

Tumambay muna siya sa sala, kinuha ang remote at nanood ng tv. Mamaya na siya aakyat sa taas kapag dinalaw na siya ng antok. Manonood na lang muna siya ng palabas ngayon habang nagpapalipas oras at maaga pa naman. Mag aalas nuebe pa lang ng gabi.

Bigla naman siyang nalungkot ng maalala ang kambal, hindi talaga siya sanay na wala sa paningin niya ang mga anak. Paano na lang kapag nagising ang mga iyon ng madaling araw at hanapin siya.

Napabuntong hininga na lamang siya. Hindi na lang niya iisipin ang mga ito para hinai siya hanapin. Base naman iyon sa paniniwala ng matatanda.

Maya-maya pa'y pinatay na niya ang tv at umakyat sa taas.