Chapter 19 - Paano Ko Matanggal Ang Sakit

NAGKASYA na lamang si Ffion na titigan ang lalaki hanggang sa hindi niya namalayan nakatulog siya sa tabi nito. Sa unang pagkakataon, nakadama siya ng tunay na pahinga sa tabi ng lalaking mahal niya. Kung dati, hindi niya ito abot kahit magkatabi sila sa iisang kama, ngayon, abot na abot niya ito.

Sa panaginip niya, hinaplos daw ni Audric ang kaniyang pisngi at hinayaan siya nitong matulog sa balikat nito. Sa panaginip niya, hindi galit ang lalaki...

"Ffion...?"

"Hmm?"

"Inaantok ka pa rin ba?"

"Yes..." At hindi niya na narinig ang boses ni Audric. Ang sarap ng kaniyang panaginip. Ayaw niya ng maputol ito... gusto niya ang lambing sa boses ng lalaki at ang ginawa nitong paghaplos sa kaniyang pisngi at buhok. Gusto niya ang pagmamahal na nararamdaman niya mula sa asawa.

Hindi niya alam kung ilan oras siyang nakatulog. Basta nung magising siya, nakatayo na si Audric at nakaharap ito sa kanan bahagi ng planta. Pansin din niyang tanghali na at sa isipin na gutom na ang asawa, kaagad siya