001 - Wedding Anniversary

Consunji Department Store

Sa fitting area, kagat-labing sumandal si Callie sa pader habang hinihintay ang isang mayamang customer na kasalukuyang nagfi-fit ng mga damit. Hawak ang kaniyang phone, titig na titig siya sa limang text messages na pinadala niya sa asawang si Laurence Camero, na hindi nire-reply-an ng asawa.

Ngumuso siya at tiningnan ang oras sa itaas na parte ng kaniyang phone, mag-a-alas otso na ng gabi at ilang minuto na lamang ay uwian na.

Muli siyang nagtipa ng text message para sa asawa.

Callie:

Babe, malapit na akong mag-out, hindi mo ba ako masusundo? Gusto ko pa naman sanang mag-dinner date tayo para ma-celebrate ang wedding anniversary natin. 🙁

Napabuntonghininga siya matapos i-send ang text message na ‘yon. First wedding anniversary nila ni Laurence sa araw na ‘yon at gusto sana niya itong maka-date man lang. Simula kasi nang manalo ito sa lotto at makapagtayo ng malaking construction company ay naging busy na ito sa negosyo. Laurence was a goal-driven man,