TCC #5.2 ANG GALIT NG BUTIHING MGA MAGULANG

“CELINE, SAGUTIN MO ANG TANONG KO. TOTOO BA ANG MGA NARINIG KO?”

Nagmistulang naglalagablab na apoy si Clenthon nang malamang sumiping sa asawa ni Celine ang kaniyang bunsong anak na si Shantal. Halos hindi siya makapaniwala na nagawa iyon ni Shantal sa kaniyang kapatid. Habag na habag siya kay Celine samantalang suklam na suklam naman siya kay Shantal.

“T-tatang. Kanina pa po ba kayo riyan?” Nawala ang hangover ni Celine dahil sa pagkagulat. Ang kaniyang kalamnan ay nangangatal hindi dahil sa galit siya kay Shantal kung hindi dahil sa takot. Sa buong buhay niya ay hindi pa niya nakikitang magalit nang husto ang kaniyang mga magulang.

“TOTOO BA? TOTOO BANG NAKIPAG-SEX SI SHANTAL SA ASAWA MO?”

Nakailang tanong na si Clenthon kay Celine dahil hindi siya sagutin ng kaniyang anak. Nang mapansin ni Freya ang panginginig ng kamay ni Clenthon ay sumabat na siya sa usapan.

“Tito Clenthon, ipagpaumanhin niyo po ang pagsali ko sa inyong usapan," ani Freya.

Hinawakan ni Celine ang kamay ni