Chapter Thirteen (i)

“ARE YOU alright?”

Pakiramdam ni Joey ay nangangatal lahat ng cells sa kanyang buong katawan. Nakapikit nang mariin ang kanyang mga mata at nakalapat ng buo niyang likod sa basang sahig sa loob ng back door.

Nakapatong sa kanya si Pepper dahil bago siya nito matulak papasok, ihinarang nito ang katawan nito sa kanya.

Ni hindi niya namalayan na napayakap siya rito, pero sa mga sandaling iyon ay nakapalibot ang mga bisig niya rito at nakayakap nang mahigpit.

At pareho silang basang basa at nangangatal sa lamig at, duda niya, ay shock.

Sa labas, naririnig ang ingay nang paghampas ng yero paulit-ulit sa screen door.

Nagalaw na marahil iyon ng malakas na hangin at nakaharang na ngayon iyon sa backdoor.

Naisip niya, paano na lang kung hindi nila iyon napansin?

Paano kung hindi siya nakasunod kay Pepper at nakatalikod pa ito noong iniinspeksyon pa nito iyong labas ng bintana?

He could have been cut in half right before her very eyes!

Kinilabutan siya at nangunyapit pang lalo rito haban