Chapter 10

“Target’s approaching,” ani Wyeth.

Inayos ni Stephanie ang kaniyang sarili bago nagsimulang maglakad papasok sa events place.

Mayroong designer’s event sa isang sikat na hotel ngayon at dahil isa sa mga mahihilig si Stephanie sa iba’t ibang klase ng clothing lines, nagkaroon siya ng invitation.

Wala siyang hilig magpunta sa mga ganitong event. Masyadong maraming tao at ang iba pa sa kanila ay masyadong sosyal para sa kaniya. Ngunit dahil pupunta ngayon si Nancy sa event na ‘to ay kailangan niya ring magpunta.

Ngayon na nila balak isagawa ang plano nilang pag-kid.nap sa CEO ng D’Amico clothing line. At dahil nakipagkilala na siya rito ay tiyak na bahagyang gumaan na ang loob nito sa kaniya.

Ngunit hindi pa rin sila pwedeng magpakampante lalo na at ang dami pa ring bodyguards ang nakapalibot sa kaniya ngayong gabi. Bukod pa roon, mahigpit din ang seguridad sa buong events place.

Kailangan nilang maging maingat sa magiging kilos nila. Kay Stephanie nakasalalay ang tagumpay ng operasyon n