Chapter 34

“Ikaw Ate, kailan niyo balak magpakasal?” tanong sa kaniya ni Vanessa habang inaayos nito ang wedding gown na suot para makaupo sa tabi niya.

Nag-uumapaw ang kagandahan ngayon ng pinsan niya lalo na sa suot nitong wedding gown, mas umapaw ang maputi nitong balat dulot sa suot nito. Ang kapansin-pansin nga lang ay hindi abot sa tainga ang ngiti nito.

Alam niya kung bakit, batid na batid niya. Hindi ito ang inaasam na kasal ng pinsan niya pero wala itong magawa. Lahat ng kababaihan ay naghahangad ng maganda kahit hindi na magarbong kasal, basta nasa ayos ay okay na.

Pero sa side ni Vanessa, alam niyang nahihirapan itong tanggapin.

Ito ang araw ng kasal ni Vanessa na nagmistulang araw ng mga patay ni Gian. Nakasimangot ang lalaki hanggang sa matapos ang seremonya. Hindi man lang nito binigyan ng ngiti ang pinsan niya o kahit halikan man lang nito na para bang masaya, kahit magpanggap na lang sana ito pero hindi iyon nagawa ni Gian. Sa halip, pina