Chapter 13

Matagal na rin simula nang huling nagkita si Davis at Isabella. Hindi inaasahan ng dalaga na makakatanggap siya ng mensahe mula sa binata.

Nakatitig lamang siya sa kaniyang telepono habang paulit ulit na binabasa ang mensahe ni Davis. Ano naman kaya ang pakay nito sa kaniya? At paano niya nakuha ang numero nito gayong hindi naman niya ito ibinigay sa kaniya.

Napakagat labi ito bago nagsimulang magtipa ng isasagot kay Davis.

"Sure, it would be my pleasure. Let's meet there after lunch." Pagkatapos nitong maisend ang reply niya sa binata ay umayos na ito ng higa, at kalaunan din ay dinalaw na siya nang antok.

Nagising si Isabella kinabukasan dahil sa mga kaluskos na naririnig niya sa kaniyang paligid. Ipinalibot niya ang kaniyang tingin sa paligid at natagpuan niya si Camille na inaayos si Avi.

Tamad na bumangon sa pagkakahiga ang dalaga saka ito naghikab.

"Oh. Good morning Bells. Pasensiya na nagising ata kita. Nalaglag kasi itong Teddy Bear mula sa kama mo kaya inayos ko lang," saa