Chapter 9.1: Complicated

NARINIG ni Venus na may nagbukas ng pintuan sa kwarto at nang lumingon siya, natagpuan niya ang kanyang anak na nakangiti sa kanya. Kinaway naman niya ang bata at humiga naman ito sa kama kasama siya. Ilang araw na din kasi siyang hindi lumalabas sa kwarto dahil labis niyang dinamdam ang pagkamatay ng kanyang mapapangasawa. Ito ang kinatatakot niya, naulit na naman ang kayang mapait na kahapon at hindi natuloy ang kanilang kasal ni Ezra.

Minahal naman talaga niya ito dahil hindi naman mahirap mahalin ang binatang si Ezra. Maalaga ito, mapagmahal, mabait, may respeto, at palagi itong nasa tabi niya. Kaya labis niyang sinisisi ang kanyang sarili sa pagkamatay ni Ezra, kung hindi lang sana siya dumating pa sa buhay nito ay buhay pa ang lalaki. Hindi niya pinagsisihan na dumating si Ezra sa buhay nila dahil ang binata ay itinuri niyang isang malaking biyaya at tulong sa kanila mag-ina pero pinagsisihan niyang minahal siya ng binata dahil ikakapahamak lang pala ito ng buhay niya.

"Mom, kum