Chapter 18

Nasa kanyang kwarto si Jerick at napakabusy na gumugupit ng mga larawan mula sa magazine. Bakas sa mukha niya ang saya lalo na sa ginagawa niya sa mga oras na iyon. Gumagawa si Jerick ng isang scrapbook at idinidikit ang nagupit na larawan sa roon. Ang mga larawan na iyon ay larawan ni Maggie na isang model. Napapatitig siya sa mga larawan at bago niya dinidikit ito ay hinahalikan pa niya ang larawan ng kanyang idol.

"Mwah! Ang ganda mo talaga idol!" wika ni Jerick na mag-isa. "Isa ka talagang Dyosa!"

Idinikit niya agad ang larawan sa isa sa mga pahina ng scrapbook nito.

"O hayan! Nice pose!"

Tuloy - tuloy ang ginagawa niya na mas lalong nagpapasaya sa kanya. Pakanta - kanta pa ang binata habang nag - aayos ng mga disenyo at larawan.

"Hmm.. parang may kulang.."

Tumayo ang binata at nagtungo sa may mesa niya. Binuksan niya ang kanyang drawer at naghanap ng isa pang picture.

"Teka, nasaan na ba ang picture na iyon."

Ilang minuto lang ay may nakita na itong picture niya na solo.

"Heto