Chapter 12

Pagdating niya sa bahay ng kanyang mga magulang ay hindi niya maihakbang ang mga paa papasok ng kanilang gate. Nagdadalawang isip siya sa hindi malamang dahilan. Muli siyang nag-angat ng tingin sa kabuoan ng kanilang bahay at mariing kinagat ang ibabang labi. She took a very deep breath.

Bakit ganito ang nararamdaman niya? This house used to be her home but now it feels like she’s visiting an old house of hers. Ito ba ang aftermath ng marriage? Yung tipong gusto mo nang bumukod? O sadyang nasanay lang siya sa naging tirahan nila sa Italy?

Pero saglit lang naman siya roon, ‘di ba?

“Ate?”

Wala sa sarili siyang napatingin sa nagsalita at bumungad sa kanya si Elijah. Naka-pajama pa ito at sando. Nakakunot ang noo nito at mukhang kakagising lang. Pinilit ni Emory ang sarili na ngumiti sa kapatid. Agad namang lumapit sa kanya ang binata at pinasadahan siya ng tingin.

“Anyare? Bakit parang biyernes santo mukha mo?” tanong nito sa kanya.

Inirapan niya ang kapatid. “Na sa loob pa ba si Lolo?”