CHAPTER 17

SHEENA

        Maaga pa lamang ay sobrang abala na sa kanyang bagong trabaho ang dalaga. At dahil pagiging clerk sa eskwelahan ang kanyang bagong assignment, ay halos mapuno nang kaabalahan ang kanyang oras. Sumabay pa sa final exam ng mga estudyante, kaya marami tuloy siyang hinaharap na trabaho ngayon. 

      Mula ng pumasok siya sa eskwelahan, ay mas pinili niyang maging busy upang hindi gaanong ma- okupa ang kanyang isip ng kanyang iniiwasang nakaraan. Halos mag- iisang buwan na rin buhat ng lumipat siya rito, at makipagsapalaran muli para sa kanyang sarili.

         Kanina alam niya na may message siya, ngunit hinayaan na muna niya iyon. Mamaya na lamang niya iyon titingnan. 

         "Hindi ka ba lalabas muna diyan?" tanong ng isang guro sa kanya na naroon, at nakahanda na ito para lumabas, siguro para mag canteen.