Chapter 13.1: Interrogation

Interrogation

    Pumailanlang ang sandaling katahimikan bago ang malakas na sigawan mula sa kanilang bibig. Ang pinakamalakas ay mula kay Franco.

"Woohoo! Binata na sa wakas si Ervin!"

"Sabi ko na, e," ani Raymond, nakangiti rin ito habang umiiling. Sandali itong sumulyap sa tulalang si Dennis na agad din nitong binawi.

Dahil sa ginawa nila ay nagising sa pagkakatulala si Dennis. May naramdaman siyang lungkot pero masaya siya para kay Ervin ngayon. Lumapit siya rito at tinapik ang balikat nito.

"Congrats, paps! Tagal mong hiniling 'yan," nakangiti niyang sabi rito.

"Woohoo! Kaya pala may palibre! Ayos! Akin na 'tong isang bag, a? Sila Ray at Den, bahala na sa iba, basta akin 'to!" Dumampot si Franco ang isang bag at gumilid para buksan iyon at kumuha ng Piattos at C2. 

"Para ka namang mauubusan,