Chapter 13

Sixto's POV

"Nandito ako para umakyat ng ligaw."

Bigla akong natigilan sa narinig. Mabilis na bumangon ang inis sa dibdib ko nang makita kung paano nito titigan si Rosi. Hindi ba nito alam na kasal na ang babaeng gusto nitong ligawan?

Gusto ko sanang magsalita pero natigilan ako nang makitang iniilingan ako ni Inay. Tiningnan din ako nito nang masama.

"Halikayo sa living room, Hanz, Rosi. Doon kayo mag-usap para may privacy kayo."

Muli pa akong nilingon ni Rosi bago ito sumama sa living room kasama iyong lalaking tinatawag nilang Hanz.

Susunod sana ako pero mabilis akong pinigilan ni Inay. "Sixto, ipagtimpla mo nga ng juice ang bisita at pati si Rosi."

"Pero inay—"

"Sixto, kung gusto mong umayos ang pakikitungo ko sa iyo, itikom mo iyang bibig mo!"

"Inay, asawa ko ho si Rosi."

"Asawa mo lang siya sa papel!" Nilapitan ako nito at dinuro-duro. "Ikaw pa ang may sabi, di ba? Na maghihiwalay kayo ni Rosi pagkatapos nang ilang buwan? Huwag mong sisirain ang buhay niya! Hindi pa ba sapat na