Chapter 12

Matapos nang pag-uusap nila Katya at Kaiser ay sinubukan niya na hindi na magtagpo muli ang landas nilang dalawa ni Gio. Mahigpit din niyang pinagbawalan ang anak na huwag na ulit na makikipagkita pa muli dito. Sapat na na nalaman niya ang lahat. Payapa na ang buhay nila at ayaw na magulo pa ito dahil sa binata.

Ganun man ang plano ni Katya pero iba pa rin talaga maglaro ang tadhana.

"Katya, pwede bang ikaw na muna ang kumuha ng order doon sa table two?" ani Nora.

Tumingin siya sa mga bagong dating na customer at napabuntong hininga na lumapit doon.

Nitong mga nakaraang araw lang niya nalaman na regular customer pala ng restaurant si Gio. Ginawa na niya ang lahat upang hindi siya nito makita pero wala na siyang takas ngayon.

"May I take your order, Ma'am and Sir?" napipilitan niyang ngiti. Ayaw niya sanang ngumiti pero parte iyon ng trabaho niya.

Matamis na ngumiti sa kanya ang girlfriend ni Gio. Oo, may nobya na ito at base na rin sa nakalap niyang impormasyon sa kanyang mga katrabah