Chapter 20

Naghahanap ako ngayon ng pwesto na pwede kong rentahan para sa bakeshop na magiging negosyo ko. Gusto ko 'yong malapit lang din sa bahay namin para mabilis lang ako makauwi at hindi ako mapagod kapag malayo ang lalakarin ko.

Kahit hindi gaanong kalakihan ay okay lang. Mas mahalaga na makapagsimula ako kahit na paunti unti lang. Costumized cakes ang gusto kong ibenta. Napansin ko kasi na malayo ang bakeshop dito kaya balak ko na dito na area na lang.

Hapon na ng may makita akong bakante katapat niya ang Griffin's Diner isa ata ito sa mga sikat na kainan dito.

"Magandang hapon po," bati ko sa tao na nasa loob ng shop.

"Magandang hapon din sayo ineng," saad sa akin ng Ginang.

"Itatanong ko lang po sana kung bakante pa po ito para rentahan?"

"Oo ineng bakante ito katunayan ay kakaalis lang ng nagtitinda dito," sagot niya sa akin.

"Interesado ka ba?" tanong niya agad sa akin.

"Opo, magkano po ang renta sa isang buwan?"

"Fiftteen thousand a month ang renta maliban sa kuryente at tubig,"