CHAPTER 10: Meeting the Hudson Family

MOLLY'S POV

Huminto ang kotse ni Alf sa tapat ng napakalaking bahay, ah mali— isa itong mansion. Pinagbuksan kami ng pinto ng mga guard kaya naman lumabas na kaming dalawa sa loob ng kotse at harap-harapan ko nang napagmasdan kung gaano kaganda ang bahay na ito.

"Molly," pagtatawag sa akin ni Alf kaya naman nilapitan ko siya at kumapit na sa kaniyang braso na nakalahad sa aking harapan. Naglakad kami papasok ng bahay at sinalubong kami ng mga maids, mapababae man o lalaki, maging ng mga gwardiya.

Dire-diretso lang kami sa paglalakad hanggang sa makapasok kami sa isang kwarto at doon lang napagtantong nasa dining room kami. Mas malawak pa ang dining room nila kung ikukumpara sa pinagsamang kwarto ko, at ni Alf at Alysse. Sa gitna ay may mahabang mesa na napaliligiran ng mga silya na ang iba ay okupado na. Hinila ako ni Alf at ipinaghila ng upuan kaya naman naupo ako roon habang siya naman ay naupo sa tabi ko. Sa gilid ko ay si Alf at sa tabi nito ay ang panggitnang upuan na. Napatingi