12 - Nominated Boss

Kasabay ng pagmulat ko ng mga mata ay ang mabilis na pagkalabog ng dibdib ko dahil sa kaba. Ramdam ko ang malamig na pawis na dumadaloy sa noo at leeg ko pati na rin ang panginginig ng mga kamay ko.

Same nightmare again. Hindi talaga ako tinitigilan ng mga alaala ng pagkamatay ng mga magulang ko. All this years, ay paulit-ulit nitong sinisira ang tulog ko.

Ikinuyom ko ang mga kamao ko para pigilan ang panginginig nito. Inayos ko ang pagkakahiga ko bago ipako sa kisame ang mga mata ko pero kaagad din na nalipat ang tingin ko kay Sage nang maalalang katabi ko s’ya ngayon.

Tumagilid ako ng higa saka ko pinagmasdan ang maamo n’yang mukha. Kahit tulog s’ya ay mukha pa rin s’yang nagsusungit sa akin pero infairness, ang gwapo-gwapo n’ya pa rin.

Gusto ko s’yang yakapin pero baka isipin n’yang minomolestya ko s’ya kahit yakap lang naman ang gusto ko.

Managinip ka na lang ulit, Tabitha!

Hanggang ngayon ay palaisipan pa rin sa akin kung bakit ayaw n’yang kontakin ang pamilya n’ya. Kung tatawaga