Chapter 10

Anika's POV

PABALIKWAS akong bumangon nang maalimpungatan dahil sa kaluskos na naririnig ko. Natigilan ako nang malaman na nasa loob na ako ng kuwarto ko sa mansion ng mga Altagrasia.

"Anong ginagawa ko dito?"

Ang huling naaalala ko ay nasa kubo kami ni Daryl at... oh my God! Isinuko ko na ang bataan! Naangkin na niya ang perlas ng silanganan! Matapos kong maabot ang sukdulan, sa sobrang pagod ay bumagsak na lang ako at nakatulog.

"Dinala kayo dito ni Master Daryl, ma'am."

Napatingin ako sa babaeng nagsalita na nasa kaliwa ko. Isa ito sa mga katulong, hawak nito ang tray ng pagkain na kinuha niya mula sa ibabaw ng side table.

"Dinala? Paano? E, tulog ako?"

Napangiti ito na parang kinikilig sa naalala. "Buhat po kayo ni Master Daryl nang dumating kayo kanina. Nahimatay raw kayo nang mahulog sa puno ng mangga."

Napakagat-labi ako sa narinig. Iyon ang ibinigay niyang rason? Ang nahimatay ako dahil sa pagkahulog?

"Heto, ma'am. Pinadalhan kayo ng pagkain."

"Ni Daryl?"

Napangiti na naman an