Chapter 13

Maddison POV

“Senyorita, halina po kayo sa loob. Malamig na dito sa veranda. Baka magkasipon kayo. Bawal kayo dito eh,” ani Ate Mira. Napangiti ako sa kanyang sinabi. Mahal na mahal talaga ako ng aming kasambahay. Hinawakan ko ang kanyang braso na kanina pa niya minuwestra at dahan-dahan na kaming pumasok sa silid ko.

“Ate Mira, pwede na po ninyo akong iwanan. I want to rest early,” sabi ko sa aming kasambahay.

“Sige po, Senyorita Maddison. Huwag po kayong mag-atubili na pindutin ang intercom kung may kailangan po kayo. At saka huwag na po ninyong tangkain na bumaba ng mag-isa at lumabas ng veranda. Nag-aalala lang ang Lola Matilda mo lalo at may mga namataang mga lalaking kahina-hinala ilang araw na,” saad nito.

Napabuga ako ng hangin. Sa totoo, lang ay naiinip na ako lalo at anim na taon na pero hindi pa rin magawan ng paraan ni Lola Matilda na makakuha ng donor. Pero, paliwanag