CHAPTER 15

UMAANDAR na ang kotse na minamaneho ni Tyrone nang mag-umpisa itong mag-usisa. Hindi na nag-abala si Ehra na magpaalam kay Dwight kanina.

"Bakit ka pala pinuntahan ni Dwight sa inyo? Tinanong niya sa akin kung saan ka tumutuloy," anito.

Napalunok siya. Kung ganoon, ito pala ang nagturo kay Dwight sa Mansiyon nila tito Manuel. Tama ang hinala niya.

"M-May problema ba?" untag ni Tyrone nang mapansin ang pananahimik niya.

Naghahagilap siya ng matinong isasagot rito. Paano kung aminin na lang niya rito ang totoo? Isa pa, malalaman at malalaman din nito na ex niya si Dwight.

Bumuntong-hininga siya.

"W-Wala, Tyrone," sagot niya, saka ito binalingan. "May i-ipagtatapat ako sa'yo..."

"Ano 'yun?" kumunot ang noo nito.

"E-Ex boyfriend ko si...D-Dwight..." Sa wakas ay pagtatapat niya.

Tinignan niya ang reaksiyon ni Tyrone, pero kalmado pa rin ito na nagmamaneho.

"Talaga? Small world, huh?" anito.

"Oo nga, e. Of all place