CHAPTER 15

HMH-15

XANDER

Napailing na lamang siya nang makita mula sa computer ang nangyari. Napahugot pa siya ng hininga sabay sandal sa upuan. Kasalukuyang nakasakay siya sa loob ng kanyang sasakyan at kuntentong nanunuod sa mga nangyayari. Hindi rin siya makapaniwala na talagang ginamit ng lalaking nabihag ang bomba. Panakot lang nila ito dapat bago nila pasukin ang lugar, subalit taliwas dito ang nangyari.

"Ano na ngayon, boss?" ani Dindo na hindi rin makapaniwala.

"Alam mo na ang gagawin! Make sure na malayo na sila rito at ibigay mo ang para sa pangangailangan nila. Sigurado na babalikan sila ng ilang kalaban at kagrupo ng mga taong iyon." aniya.

Ang tinutukoy nito ay ang relokasyon ng mag-ina ng lalaking namatay. Kagaya ng ipinangako niya na gagawing maayos ang buhay ng mga ito at malayo sa panganib. Kahit papaano, may silbi naman ang pagkamatay nito at dapat lang na may kaunting reward para sa pamilya nito.

"Sige, boss! Asahan mo na maaasikaso s