Chapter Eighteen

ILANG raw silang hindi nagkibuan pagkatapos ng makabagbag-damdaming away na 'yon. Para silang estranghero sa isa't isa. Nakatira nga sila sa iisang bahay pero hindi naman nagpapansinan. Maging sa pagtulog ay umiiwas din ito. Sa sala ito natutulog at magigising na lang siya sa umaga na nakatiklop na ang hinigaan nito.

Nakausap na rin niya si Noel at sinabi nitong kusa na itong iiwas sa kanya para hindi na sila magkagulo pa. Kung siya'y babad sa gawaing-bahay, si Bryan naman ay babad sa pagmumukha ng Marie na 'yon.

Sa tuwing tatangkain niyang makipag-usap dito ay lumilitaw sa kanyang utak ang harutan ng mga ito na lagi niyang nakikita sa t'wing magagawi siya sa bintana. Lagi as in araw-araw ang mga ito kung magharutan. Kung makipagharutan naman si Bryan ay parang binata pa ito gayong nasa tapat lang ng shop na pinagtatrabahuhan nito ang asawa.

Gabi-gabi ay tahimik siyang umiiyak dahil sa nangyayari sa kanila. Hindi ba nito n