6

Kabanata 6

"Mabuti at pumayag ka rin sa wakas, hijo!"

Pinanood ko ang liwanag at saya sa mukha ni Mommy.

Nandito kami ngayon sa sala at sa harap namin ay si Rafael na may mga bitbit na mga bag.

"Bakit ayaw mo sa isa sa mga kwarto rito?" tanong ni Dad sa lalaki.

Naghahalukipkip naman na nasa gilid ako.

"Ayos na po ako sa kwartel sa likod kung saan din natutulog sila Harold at Ben, Engineer," mababa ang boses na sagot ni Rafael.

"Nako! Dapat talaga ay sa isa sa mga kwarto ka namin manatili. Pero mukhang hindi ka na mapipilit," ani Mom. "Pero kung sakaling magbago ang isip mo, hijo. Magsabi ka agad."

Tumango ang lalaki. "Maraming salamat po."

"Anyway, we're happy for your decision to stay here. Kung hindi pa nagkaproblema sa linya ng tubig ang apartment mo, mukhang hindi mo pa ata tatanggapin ang alok namin," saad ni Dad.

"Mabuti pala at nagkaroon ng problema," ani ni Danzel at ngumisi.

Humalakhak si Dad. Nagtawanan sila roon habang ako ay tahimik at hindi natutuwa. And I have no intentio