Chapter 15: Call Me Love

Sa pagsapit ng hapunan, ang lahat ay dumulog na sa hapag-kainan. Naging marami ang kwento ng bawat isa lalo na si Doña Trinidad. Si Yanna naman ay naiilang pa rin sa sobrang paglalambing sa kanya ng natandang babae. Hindi siya sanay sa atensyon ng kahit na sino kung kaya natatakot siya na baka ma-spoil siya ng dalawang matanda.

Maya-maya ay napadako ang tingin ni Doña Trinidad sa kanyang kamay. Napataas ang kilay nito at naging matalim ang tingin kay Alessio pagkakuwan.

"Nalulugi na ba ang D.M. Group, hijo?" walang babala na tanong ng matandang babae.

"Lola, are you kidding me? Do you think I'll let that happen? D.M. Group is doing well. You know that, too," confident na paliwanag naman ni Alessio. He is proud of his capability as the CEO of D.M. Group kaya taas-noo nitong ibinida sa abuela ang nagawa. Mas lumago kasi ang kumpanya simula nang si Alessio na ang namamahala. Mas dumami ang branches nila at mas lalong dumami ang investors. Isang napakaimposibleng bagay na malugi ang D.M.