Chapter 18

IYON na ang ikalawang pagpanhik niya sa engineering department. Hindi niya pinansin ang humahangang mga mata. Nahagio ng paningin niya si Harley na nagsasalubong ang mga kilay pagkakita sa kanya. Hindi niya ito pinansin at tuloy-tuloy sa opisina ni David. Sa bawat hakbang ni Helaeba ay tila may determinasyong sumusulpot mula sa kanyang mga paa. Ang kanyang pagiging walang pakialam sa mga tingin ng iba ay nagbibigay sa kanya ng lakas ng loob.

"Busy ba si David?" tanong niya sa sekretarya. Kinakabahan siya.

"Oo, eh. Bakit? Kanina pa nga sila nagmi-meeting sa loob lara sa bagong road project. May iniutos ba si Sir Samonte sa'yo? Importante ba 'yan? Gusto mo bang katukin ko na lang si Sir?"

Umiling siya. Ang kaba ay nauwi sa dissapointment na hindi niya makakausap si David. Isang pilit na ngiti ang ibinigay niya sa sekretarya.

"Babalik na lang siguro ako mamaya. Hindi bale na lang siguro."

Akma na siyang tatalikod nang bumukas ang pinto ng silid ni David at tatlong executives ang lumaba