Chapter 21

"Ibigay mo na lang ako sa kanya, Francis." Wika ko dahil natatakot ako para sa kanya dahil baka ano ang gawin ni Javier.

Sumama ako kay Francis ng ayain niya akong umalis dahil gusto ko rin at para matahimik na ang isip at puso ko. Sobrang dami na ang nangyari sa amin, kanina lang sobrang sama ng pakiramdam ko dahil sa ginawa sa akin ni Christine, hindi ako lumaban dahil iniisip ko ang dinadala kong bata sa sinapupunan ko.

Naramdaman ko ang mahigpit na pagkapit sa akin ni Francis na bagay na pinag-aalala ko dahil bakas sa kanyang mata ang determinasyon na makaalis kami dito sa kabila ng kapahamakan na kinahaharap naming dalawa.

"Matigas talaga ang ulo mo, sinabihan na kita."

Napatingin ako kay Javier na seryoso lang ang mukha, muli kong sinulyapan si Francis at ang kamay naming dalawa na magkahawak. Hanggang sa hatakin niya ako at hindi ko inaasahan ang sumunod na nangyari dahil isang putok ang narinig ko at nanlalaki ang mata ko na napasigaw dahil sa binti ni Francis na may umaagos