Chapter 14

AKI

"Saan tayo pupunta?" Tanong ko kay Captain nang makita ko siyang inihahanda ang mga baril at iba pang gamit namin. Kalalabas ko lang galing sa CR at nagtutuyo pa ako ng buhok. "May misyon ba tayo ngayon?"

Hindi niya ako sinagot. Nanatili lang siyang abala sa pag-aayos ng mga gamit at hindi man lang ako nilingon kahit isang beses. Galit ba siya?

"Captain, may gagawin ba tayo?" Tanong ko ulit para makuha ko ang atensyon niya pero hindi pa rin niya ako pinapansin. "Captain?" Tawag ko ulit pero wala pa rin.

Pumasok na muna ako sa kwarto para ilapag sa kama ang towel na dala ko. Kinuha ko ang cellphone ko tsaka lumabas ulit. Dumeretso ako sa harap ni Captain pero medyo malayo sa kanya. Hinanap ko ang number ni Sir Hernandez sa phonebook ko tsaka ito tinawagan. Sinadya ko pa iyong ilagay sa loud speaker para marinig niya.

"Magandang gabi, Sir Hernandez. . ." Bati ko agad nang sagutin niya iyon.

Hindi nga ako nagkamali dahil agad na nag-angat ng tingin sa akin si Captain na ngayon