Chapter 15

MADALING araw ng maalimpungatan si Mari. May narinig siyang malakas na kalabog. Napatingin siya sa buong paligid sa pag-aakalang may nasagi siyang bagay. Wala.

Kunot noo siyang bumangon, maliwanag ang kanyang silid dahil hindi siya nagpapatay ng ilaw. Ayaw na ayaw niya sa dilim. Muli na namang kumalabog, tumayo siya upang sundan ang ingay. Paglabas niya sa kanyang silid nakita niyang bukas ang pinto ng kwarto ni Syete.

Ilang hakbang palang ng mapatingin siya sa sahig, may naapakan siyang likido. Mainit at malapot iyon.

"Dugo?" Bigla siyang nangilabot at nilukob ng takot. Sinundan niya ang bakas niyon, pababa ng hagdan. Malalaki ang mga hakbang niya hanggang sa napatakbo siya sa takot na baka may masamang nangyari kay Syete.

"Syete?" sigaw niya. Patuloy ang kalabog at pagkabasag na naririnig niya. "Syete? Nasaan ka?" Ang dalawang baitang ay nagawa niyang hakbangin ng isa.

Kahit na liwanag ng buwan na nagmumula sa labas lamang ang