"Uy Mella!"
"Ah, ano yon?" Tila lutang na tanong nya kay May.
"Lutang ka te?" Biro nito at kinurot sya sa pisngi.
"Ah...aray!"
"Ang sabi ko tuloy ka naba talaga sa Del Castillo Resort?" Tanong nito. Yan din ang iniisip nya, ilang araw na mula ng makita nya si Aiden sa Tragora mall at hindi parin ito maalis-alis sa isip nya, alam nyang hindi sya nagkakamali si Aiden ang nakita nya.
"Ewan ko" sagot nya. Dahil yon ang totoo mula ng makita nya si Aiden tila nagbago ang isip nya, dahil baka makita at makilala sya ni Aiden at paalisin sya sa Resort. Nakaramdam sya ng takot ng makita ito kahapon, alam nyang halos mahigit limang taon na ang nakakalipas pero tila sariwa parin sa kanya ang bawat eksena nangyari ng gabing yon. Takot na takot sya noon at yon ang takot na naramdaman nya muli ng makita ito makalipas ang mahigit limang taon.
"Sama ka nalang kasi sa akin sa VincElla Hotel, anong malay mo magustuhan nila tayo doon at i hire tayo pagka graduate natin" Pangungumbinsi ni May sa kanya na tila hindi naman nya naiintindihan dahil na kay Aiden Del Castillo ang isip nya.
"Ah...May, alam mo ba kung nasaan si Aiden Del Castillo?"
"Ah? Bakit?" Nagtatakang tanong ng kaibigan.
"Wala lang na alala ko lang sya, baka sya na ang nag mamanage sa Resort nila"
"Malabong mangyari yon, dahil matagal ng wala dito si Aiden at sa pagkaka alam ko wala na daw itong balak bumalik dahil sa mga nangyari noon" sagot nito at sinulyapan sya. Hindi nalang sya kumibo. Alam nyang wala namang taga San Miguel na hindi nakakaalam ng mga nangyari noon kay Aiden at sa pamilya nya, alam nyang ayaw lang syang tanungin ng kaibigan tungkol sa bagay na yon. Si May lang ang nag-iisang kaibigan nya sa SMU, wala halos pumapansin sa kanya, maliban sa ilang mga lalaking nagpaparinig sa kanya na kaagad naman nyang tinatanggihan. Sa edad nyang bente wala pa syang naging boyfriend ni isa, maraming nanligawa sa kanya pero ni isa wala syang sinagot, dahil aaminin nyang natatakot sya na baka pag nagkarelasyon na sya ay hindi na nya alam ang gagawin at maging tulad na sya ng mga kapatid nya. Nais sana nyang iwasang maging tulad ng mga kapatid, nais sana nyang maging iba sa mga ito, at nais sana nyang maiwasang pag tsismisan sa San Miguel, alam nyang inaasahan ng lahat na susunod sya sa yapak ng mga kapatid, alam din nyang inaabangan na ng mga ito kung anong lagim ang gagawin nya tulad ng mga kapatid. Pero hindi, hindi sya magiging tulad ng mga kapatid, bata pa lang sya pinangako na nya sa sarili na magiging iba sya sa mga ito at gagawin nya yon. Hindi naman nya kinahihiya ang mga kapatid dahil ito ang mga sumusoporta sa kanya sa pag-aaral nya, hindi sya makakapasok sa SMU kundi dahil sa tulong pinansyal ng mga kapatid lalo na ang Ate Grace nya na nagsusumikap para makapag tapos sya, at eto na nga ilang buwan nalang ga-graduate na sya at hahanap sya ng magandang trabaho sya naman ang babawi sa mga kapatid.
Pagkatapos ng klase kaagad na syang lumabas ng campus sakay ng bike nya. Maaga pa naman kaya balak nyang pumasyal sa Del Castillo Resort. Madalas naman syang mamasyal doon sa tuwing naiinip sya, nakakapasok sya doon ng libri dahil kakilala nya ang gwardiya si Mang Cesar matanda na ito at sa pag kakaalam nya matalik itong kaibigan ng Tatay nya at mula ng itayo ang Del Castillo Resort eh doon na ito namamasukan kaya naman ng mapansin nitong malimit syang mamasyal doon sa tuwing makita sya nito eh kaaagad na syang pinapapasok sa loob.
"Magandang hapon po Mang Cesar" bati nya sa matanda ng makababa ng bike at nilagay sa gilid ng kalsada.
"Oh, Mella andito ka pala, wala ka bang pasok?"
"Katatapos lang po" sagot nya at itinaas ang plastik na hawak. Binilhan nya ng Bananaque ito sa daan para meryenda nito at pasalamat na rin nya.
"Nag abala kapa, salamat ah" magiliw na sabi nito at pinapasok na sya sa loob.
"Mang Cesar balak ko po sanang dito mag OJT, maganda po ba ang patakaran dito?" Tanong nya ng nasa loob na sya ng malawak na beach.
"Sa naririnig ko nagpapasahod sila ng mga training dito" nakangiting sagot nito habang hawak-hawak ang bananaque.
"Talaga po"
"Oo Mella, at may mga nakapasok na ding OJT dyan nagustuhan nila at pagka graduate kinuha nila agad at dyan na nagtatrabaho" sagot nito napangiti sya at nagpaalam na maglalakad-lakad sa lang sa tabi ng dagat gaya ng madalas nyang gawin sa tuwing napapasyal sya sa Resort.
"Wow, iba talaga pag andito ako, parang wala akong problema" sabi nya habang naglalakad-lakad sa tabi ng dagat. Bitbit nya ang sapatos at nataas ang suot nyang pantalon para hindi mabasa sa hampas ng tubig. Sa tuwing narito sya na re-relax ang isip nya at pakiramdam nya wala sya sa San Miguel, wala sa lugar kung saan inuusgahan ng marami ang pamilya nya.
Weekdays ngayon kaya wala masyadong tao sa beach. May mga ilang turista, bakasyonista na naglalakad-lakad at alam nyang babalik-balik din ng mga ito ang Del Castillo Resort, dahil sa hatid nitong nakakapayapa ng magulong kaisipan. Naupo sya sa buhanginan at pinanood ang hampas ng tubig, may mga ilang batang naglalaro at may ilang mga couples na sweet na sweet habang magkahawak kamay na naglalakad sa tabi ng dagat.
"Kailan ko kaya mararanasan yan?" Bulong nya at ginala ang mga mata sa magandang kapaligiran. Napako ang mga mata nya sa lalaking naglalakad mag-isa habang nakatingin sa dagat. Nakapaa lang ito habang nilalaro ng mga paa ang naghahabulang tubig sa buhangin, asul na khaki short ang suot nito at puting polo na halos bukas na ang ilang butones na nagpapakita sa maganda nitong pangangatawan. Nagpatuloy sya sa pagsuri sa lalake at nanlaki ang mga mata nya ng makilala kung sino ito.
Aiden Del Castillo
Hindi nya alam ang gagawin habang nanatiling nakamata kay Aiden sa di kalayuan, alam nyang hindi sya nagkakamali ang lalaking nakikita nya ngayon at ang lalaking nakita nya sa Tragora Mall ay si Aiden. "Bumalik na sya" bulong nya."Aiden is back for good" narinig nyang tinig sa di kalayuan napalingon sya doon at nakita ang babaing nakabunggo nya sa Mall na kasama ni Aiden noon, kausap ang may edad na babae na kung hindi sya nagkakamali ito ay si Mrs. Del Castillo."Yes Tita, ewan ko ba dyan kung bakit gustong-gusto nyang umuwi dito" maarteng sabi ng Babae. Nanatili sya sa kinauupuan habang pinaglilipat-lipat nya ng tingin kay Aiden at sa dalawang nag-uusap malapit sa kinauupuan nya. Napasulyap sa kanya ang babae at kumunot noo nito ng makita sya. Mabilis syang nag-iwas nag mukha at dali-daling tumayo mula sa pagkakaupo at mabibilis ang ginawang paglakad palayo sa mga ito bigla syang malakas na bumun
"Carmella Perez" tawag ng receptionist matapos nyang maibigay ang lahat ng requirements na hiningi ng mga ito para makapag simula na syang mag OJT. Tumayo sya at lumapit sa magandang babaing nakangiti sa kanya."Sabi sa HR pwede ka na daw mag umpisa ngayon kung gusto mo" nakangiting sabi ng babae."Talaga oh?" Tumango ang kaharap at sinabing pumunta sya sa opisina para ma ipaliwanag sa kanya ang mga gagawin at maipakilala din sa mga makakasama nya sa OJT.Matamis ang ngiti nya sa mga labi habang naglalakad sa malawak na pasilyo. Maliban sa mga cottages may hotel din ang Del Castillo Resort pero hindi ito tulad ng VincElla Hotel, katamtaman lang ang laki nito at kung hindi sya nagkakamali tatlong palapag lang ang taas ng building.Alam nyang binalaan na sya ng kapatid na huwag ng ituloy ang pag O-OJT nya rito dahil baka pagsimulan pa ng gulo, pero ewan nya kung bakit gustong-gusto nyang makapasok sa Del Castillo Reso
Nanatili syang walang kibo at nakatingin lang sa mga mata ni Aiden na puno ng galit. Paanong nangyari ganoon kadali syang nakilala ni Aiden,limang taon na ang lumipas at napaka bata pa nya ng mangyari yon, ngayon sa pagkikita nila kaagad sya nitong nakilala kung paano nya ito kaagad nakilala ganoon din ba ito sa kanya, ibig bang sabihin ganoon ito kagalit sa buong pamilya nya at hindi nito nakalimutan ang itchura nila sa paglipas ng mga taon."Ano bang ibig mong sabihin?" Nakuha nyang itanong sa kabila ng kaba at takot."You know exactly, Carmella don't fool me! Mariing sagot nito at pinaglandas nito ang mga mata sa mukha nya, pababa sa leeg at sa puting t-shirt na suot nya at sya mismo kitang-kita nya ang pag taas baba ng mga dibdib sa kabang nararamdaman nya at tila humahaplos ang mga yon sa basang t-shirt ni Aiden."Andito ako para.. para sa pag-aaral ko at-""Bakit sa Del Castillo? Anong binabalak mo? Inakala mo
Flashback"Nay hanggang kailan po nila tayo patitirain rito ng libre?" Tanong nya sa Nanay nya habang nag-aayos ng mga pinamili sa palengke, sinama sya ng Nanay nya mamalengke kanina, at halos madaanan nilang mag-ina nagbubulungan at alam nyang naririnig ng Nanay nya ang mga binubulong ng mga ito, tungkol sa Ate Grace nya at kay Mr. Gabrielle Del Castillo ang nagmamay-ari ng malaking resort sa bayan nila ang Del Castillo Resort.Si Mr. Del Castillo ang may-ari ng bahay na tinitirhan nilang mag-anak ngayon, lumang bahay ito ng mga Del Castillo at wala ng tumitira dahil sa malapit sa Resort na nakatira ang pamilya ni Mr. Del Castillo. At pinatitira sila nito dahil tila may interes ito sa Ate Grace nya, at hindi nya ikinatutuwa yon. Alam nyang marami ng kinasama ang kapatid na di pamilya, na syang tila kinabubuhay nilang mag-anak, wala naman syang magawa kahit tutol sya, ano ba naman ang magagawa ng isang kinse anyos na da
"Bakit ka umakyat dyan?" Tanong mula sa may likuran nya. Mabilis syang napalingon at nakita si Aiden na kunot noong nakatingin sa kinatatayuan nya. "Bumaba ka dyan, baka mahulog ka" sabi nito, pero wala syang nahimigang pag-aalala sa tono."Ah... eh... pasensya na po" paumanhin nya at mabilis na tumalon sa bakod nakita pa nyang nagulat si Aiden sa ginawa nya."Sorry po" paumanhin nya ulit at napatingin sa binatang nakatayo sa harapan nya. Matangkad ito, may pagka moreno, ang buhok nito medyo makapal tinatangay ng hangin pero bagay naman rito, may magagandang mata at makakapal na kilay, matangos ang ilong at manipis na labi na bumagay naman dito. Napakasimple lang ng suot nito, puting t-shirt at itim na pantalon pero may kakaiba ng dating sa kanya."Ano bang tinigtignan mo dyan?" Tanong nito na nagpahinto sa kanya sa palihim na pagsuri rito."
"Papasok na po ako" paalam nya kinabukasan."Ingat ka Mella dahan-dahan ka ah sa pag ba bike ah, huwag kang nagmamadali" bilin ng Nanay nya."Opo Nay" sagot nya at inilabas na ang bike sa gate."Mella! Mella!" Tawag ng Ate Grace nya at tumatakbong lumabas ng gate. Bagong gising palang ito at nakapantulog pa."Idagdag mo to sa baon mo" sabi nito at iniabot ang limang daan."Huwag na ate may binigay na si Nanay sa akin""Ano ka ba, idagdag mo, kumain ka sa Ice cream house" pamimilit nito kaya naman kinuha na nya para maitabi nalang."Anong nangyari sa bike mo?" Biglang tanong ng Ate nya ng makita ang basag na salamin nito sa gilid ng manibela.Hindi nya sinabi kanino man na nakita nya si Aiden Del Castillo, hindi nya sinabi na halos durugin na sya nito sa mga kamay nito dahil sa pagkasukla nit
Nag-iiyak sya habang tinatahak nya ang daan papuntang Del Castillo Resorts alam nyang hindi sya dapat magtunggo roon matapos ang nangyari sa kanila ni Aiden kahapon, pero sa nais nyang kumalma at sa tabing dagat lang sya makakalma nais nyang masamyo ang malamig na hangin doon at marinig ang mga alon na nagmumula sa dagat.Nang makarating sya doon kaagad nyang itinabi ang bike at bitbit ang sundae na binili umakyat sya sa pader at naupo doon. Humugot sya ng malalim na hininga at tinuloy ang pag-iyak. Hindi naman ito ang unang beses na tila nabastos sya pero ito ang unang beses na andoon si Aiden at ayaw nyang isipin pero tila syang ipinangtanggol ni Aiden. Pinangtanggol nga ba sya ni Aiden kay Jeff kanina? Hindi ba galit ito sa kanya at ang nangyari kanina patunay lang na hindi talaga maganda ang reputasyon ng pamilya nya sa bayan nila."Bakit ba lagi kang nandito?" Tinig na nagmula sa likuran nya. Napalingon sya at naki
Kinabukasan nagising sya sa mga sigawan mula sa labas ng silid nila. Mabilis syang tumayo at tumakbo palabas ng silid."Nay!" Tawag nya at mabilis na tumakbo sa labas ng pinto ng makita ang Nanay at mga kapatid na nakikipagtalo sa labas."Wala kayong karapatan paalisin kami rito! Kayo umalis!" Sigaw ng Ate Joan nya sabay bato pa ng lagayan ng basura."Ate, Nay anong pong nangyayari?" Tanong nya at nilapitan ang Nanay nya na nakaupo lang sa tabi habang sigaw ng sigaw ang Ate Joan nya at Ate Lanie."Ano po bang nangyayari?" Tanong nya ulit at ginala ang paligid, wala ang Kuya Erwin nya at ang Ate Grace nya."Umalis na kayo!" Sigaw ng Ate Lanie nya at pinagtulakan ang dalawang lalaki palabas ng gate."Pag kayo nadatnan pa ng amo namin mamaya lagot kayo!" Banta ng isa sa dalawang lalaki."Kayo na nga binal